БОЛЬШОЙ ТЕАТР-ын алтан тайзнаа өөрийнхөө хүчтэй дуу хоолойг цуурайтуулж, Оросын яруу найрагч Пушкинтэй гадаад төрхөөрөө тун төстэй гэж зүйрлэгдсэн ДБЭТ-ын гоцлол дуучин Б.Гомбо-Очирт МУГЖ цол олголоо. СУИС-ийн дуурийн дуулаачийн ангийг МУГЖ Д.Банди, МУГЖ, Ардын багш О.Ичинхорлоо нарын удирдлаган дор 2011 онд төгсгөнөөс хойш, өдгөөг хүртэл Монгол улсын дуурийн театрын тайзнаа гялалзаж, Олон улсын дуурийн дуулаачдын уралдаанд Монгол улсынхаа нэр төрийг өндөрт өргөж буй өвөрмөц хүчтэй хоолойтой дуучин юм. Энэ өдрөөс түүнийг МУГЖ гэж зарлах болов.