" Tse," " The Bull" ," Sura" , "Mojito Club" , "Шөлөндөө", "Жигнүүр бууз" зэрэг сүлжээ ресторануудаараа нийтийн хоолны салбарт технологийн хувьсгал хийсэн БльюМон групп компаний ерөнхий захирал Ц.Санжжавт Монгол улсын аж үйлдвэрийн гавьяат ажилтан цол олгосныг УИХ-ын дарга Г.Занданшатар гардууллаа. - БльюМон групп нь Монгол улсад нийтийн хоолны салбарыг дэлхийн жишигт нийцүүлэн хөгжүүлсний зэрэгцээ, худалдааны салбарт Nike , Vans, Converse, Доктор Ато, "B and B" зэрэг дэлхийн томоохон брэндүүдийг нутагшуулсан гавьяатай. Нийтийн хоол, худалдааны салбараас гадна, эдэлгээ нь дууссан аккумуляторыг дахин боловсруулж цагаан тугалганы үйлдвэрлэл эрхлэх, Эко минералс, зэсийн хаягдлыг ашиглан зэсийн катодын үйлдвэр байгуулан ажиллаж байгаа юм байна. Монголын төсөвт жилдээ зургаан тэрбум гаруй төгрөгний татвар төлж, 1200 гаруй хүнийг ажлын байраар хангасан дээрх үйлдвэрүүд нь байгаль орчинд ээлтэй технологийг нэвтрүүлснээрээ давуу талтай юм гэж уг шагналыг гардуулахдаа УИХ-ын дарга Г.Занданшатар онцоллоо. Ц.Санжжав нь УИХ-ын өнгөрсөн дөрвөн жилд сонгогдон ажиллаж байсан Оюундарийн нөхөр юм байна.
Э. ОТГОНЖАРГАЛ
