Үндэсний статистикийн хорооны дэд дарга Д.Лхамсүрэн орлого эсвэл үл хөдлөх хөрөнгө гэсэн ганцхан үзүүлэлтээр нь хүүхдийн мөнгө олголтоос хасахгүй гэдгийг хэлэв.
Тэрбээр "Цахимаар е-halamj, Е-mongolia сайтад нэвтэрч, мэдээлэл зөрүүтэй байгаа хүсэлтээ гаргавал хүсэлтүүдийг мэдээлэл хариуцагч байгууллагад хуваарилан, шалгалтыг хэрхэн хийх талаар ажиллаад хүсэлт гаргагчид хариуг хүргүүлнэ. Орлого өндөртэй хүн байлаа ч ямар нэгэн үл хөдлөх хөрөнгөгүй бол орлого гэсэн үзүүлэлтээр нь хүүхдийн мөнгө олгохоос хасаж болохгүй. Эсвэл үл хөдлөх хөрөнгөтэй буюу байр, машинтай байлаа гэхэд орлогогүй бол зөвхөн хөрөнгийнх нь үнэлгээгээр хүүхдийн мөнгөн тэтгэмж олгохгүй байж болохгүй гэж үзэж байгаа. Тиймээс орлого, хөрөнгийн мэдээлэлд үндэслэн орлогыг орлуулан тооцох аргачлалаар ажиллаж байгаа. Энэ аргачлалыг барьж ажиллаж байна" гэлээ.
Эх сурвалж:www.polit.mn
