Хятад болон Европын сансрын агентлаг (ESA) Дэлхийн соронзон мандалд үзүүлэх Нарны нөлөөг судлах зорилгоор “Smile” сансрын төхөөрөмжийг хөөргөнө гэж Хятадын Шинжлэх ухааны академи мэдээлэв.
Уг төхөөрөмжийг дэлхийн соронзон гадаргуугийн гадаад зах, туйлын туяа болон энэ үзэгдэл болдог орон зайн зургийг авах камераар тоноглох гэнэ. Нарны салхины үзүүлэлтийг хэмжиж, доторх ионууд болон соронзон давхаргыг ажиглаж тандахын зэрэгцээ соронзон оронд гарч буй өөрчлөлтийг бүртгэх энэхүү судалгааны төхөөрөмжийг “Vega-C” зөөгч пуужингаар хамгийн их налуу өнцөг бүхий зууван тойрог замд гаргах ажээ.
Хятад болон Европын сансрын агентлаг сансрын энэ төхөөрөмжөө 2025 онд Францын Гвиан мужийн Куру сансрын буудлаас хөөргөхөөр төлөвлөжээ.
Эх сурвалж: БЭЭЖИН. /Xinhua/
