Монгол Улсад халал аргаар бэлтгэсэн махыг АНЭУ-ын зах зээлд албан ёсоор 2023 оны дөрөвдүгээр сараас нийлүүлж эхэлсэн билээ.
Монгол хонины махыг Эмиратын хэрэглэгчдэд илүү ойртуулан хүргэх зорилгоор Дубай хотын хүнсний худалдааны хамгийн том төвд монгол хонины махны дэлгүүр нээгджээ.
Манай улс БНХАУ, ОХУ, Вьетнам, Иран, Казахстан, Япон, Эмират зэрэг улс руу мах экспортолдог.
2022 онд 71.1 сая толгой мал тоологдсон нь түүхэн дэх хамгийн өндөр үзүүлэлт болсон юм. Үүнээс хамгийн их буюу 32.7 сая хонь, 27.6 сая ямаа тоологдсон байна.
Эх сурвалж: Өдрийн сонин
