Т.АЮУРСАЙХАН, Б.ГАНХУЯГ ХОЁРЫГ НЭЭЛТТЭЙ ШҮҮХ ЭСЭХИЙГ ШҮҮГЧ БИШ НҮҮРСЧИД ШИЙДЭХ ҮҮ?

2023-09-01  

Шүүхээс хүртэл “...Нүүрсний хэрэг” хэмээх алдар хүртсэн асуудлаар УИХ-ын гишүүн Т.Аюурсайхан, “Эрдэнэс Тавантолгой” ХК-ийн захирал асан Б.Ганхуяг нарын олон хүнийг шүүх гэж байна. Уржигдар товлогдсон шүүх хурал нэг шүүгдэгчийн өмгөөлөгчийн хүсэлтээр хойшилжээ. Гэхдээ шүүх хуралдааны эхэнд Т.Аюурсайхан, Б.Ганхуяг хоёрын хэлсэн үг олны анхаарлыг татлаа. Тэд шүүх хурлыг нээлттэй явуулж өгөхийг хүссэн байна. Ингэх учир нь “...Олон нийтэд үнэнийг хэлмээр байна” гэжээ. Тиймээс “...Тэд юу хэлэхийг хүссэн бэ” гэдгийг нийтээрээ сонирхож, бие биеэсээ ч асууж эхэллээ. Улс төрийн хүрээнд илүү яригдаж буй энэ “сэдэв”-ийн хүрээнд “..Хэрвээ Т.Аюурсайхан, Б.Ганхуяг хоёрыг ил шүүвэл АТГ-ын зарласан 17 нүүрсчин дахиад хэд дахин нэмэгдэнэ. Тэр тусмаа улстөрчид хэд хэдээрээ гарч ирнэ” гэж ярьж байна. Мөн тэднийг “...Мэдүүлгээ нэгтгэж, дарга нараасаа хамгаалалт хүссэн” гэдэг яриа гарлаа. Эдгээр нь аль ч утгаараа нүүрсний хулгайтай холбоотой улстөрчдийг айлгаж буй юм байна. Олны яриа, баталгаатай баталгаагүй мэдээллээс үзвэл, нэгдүгээрт, “...Нэр маань гарах вий”, хоёрдугаарт, “...Үйлдэл нь яригдах вий” гэсэн улстөрчид цөөнгүй л байгаа бололтой юм. Ямартай ч энэ нь удахгүй дээрх Т.Аюурсайхан, Б.Ганхуяг хоёрыг шүүх хурлаас тодорхой харагдана. Хэрвээ нүүрсчид бяртай хэвээр байгаа бол есдүгээр сарын 12-нд болохоор товлогдсон тэднийг шүүх хурал дахиад л хойшилно. Хэд ч хойшилж мэднэ. Боллоо гэхэд энэ хоёр эрхмийг нээлттэй, эсвэл хаалттай шүүхийг шүүгч биш тэдгээр нүүрсчид шийднэ. Хэрвээ нүүрсчид бяртай, улс төрд нөлөөтэй хэвээр байгаа бол шүү дээ.

Эх сурвалж: “Зууны мэдээ” сонин  

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
ЕРӨНХИЙ ШҮҮГЧ АСАН ЗОРИГ АРДЧИЛЛЫН ТӨЛӨӨ, ШҮҮХ ЗАСАГЛАЛЫН ТӨЛӨӨ ҮНЭНЭЭ ХЭЛЧИХ, ХЭЛЖ БАЙСНАА ЯРЬЧИХ
СУДЛААЧ П.БАТХИШИГ: 126 ГИШҮҮНТЭЙ ШИНЭ ПАРЛАМЕНТАД УЛС ТӨРИЙН 5-6 НАМ, ЭВСЭЛ СУУДАЛТАЙ БОЛОХ МАГАДЛАЛ ӨНДӨР БАЙНА
Ц.ЧИНБАТ: Х.БАТТУЛГААР ДАМЖУУЛАН КРЕМЛИЙН БОДЛОГО МАНАЙД ХЭРЭГЖИЖ БАЙНА
ЦАГААН СУВАРГЫГ АВСАН НЬ ТӨРИЙН ЭРХИЙГ ХУУЛЬ БУСААР АВАХ МАШ ТОМ АСУУДАЛ, ДАХИЖ ДАВТАГДАЖ МАГАДГҮЙ
Н.НОМТОЙБАЯР: ЦАГААН СУВАРГЫГ ОВООЛТТОЙ АЛТ ЗЭС БАЙДАГ ГЭЖ БОДООД БАЙДАГ ЮМ УУ, ТИЙМ ЮМ БАЙХГҮЙ ШҮҮ
АРДЧИЛСАН ОРНУУДАД СОНГОГДОХ ЭРХИЙГ ХАМГААЛДАГ БОЛ МАНАЙД АЛЬ БОЛОХ ХААЖ, БООЖ СОНГОГДОХГҮЙ БОЛГОХЫГ ИЛҮҮД ҮЗДЭГ
Бүгд Найрамдах Беларусь Улсын Ерөнхийлөгч А.Г.Лукашенког албан ёсоор угтан авлаа
SPEAK OUT: Сүүлийн “далан зургаа”-тай парламент сайн ажилласан уу, муу ажилласан уу?
Ц.Гарамжавыг улсын хилээр гарах, Төв аймгийн нутаг дэвсгэрт зорчихыг хоригложээ
Ц.ГАРАМЖАВЫГ БАРИВЧИЛЖ "DEAD CAT" ХЭРЭГЖҮҮЛЭВ ҮҮ?
Шинэ мэдээ
Санал асуулга
ИРЭХ СОНГУУЛЬД ТА АЛЬ НАМД САНАЛАА ӨГӨХ ВЭ?