Израилын иргэн хоёр эмэгтэйг сулласан гэж ХАМАС бүлэглэл даваа гарагт мэдэгджээ.
Израилын Ерөнхий сайдын албанаас мэдэгдсэнээр, 79 настай Нурит Купер, 85 настай Йочевед Лифшиц гэдэг хоёр эмэгтэйг Израилын армид хүлээлгэн өгсөн ба тэднийг эмнэлэгт хүргэсэн байна.
Энэ хоёр эмэгтэй аравдугаар сарын 7-ны өдөр ХАМАС бүлэглэлийн халдлагын үеэр барьцаалагдсан 200 гаруй хүнээс суллагдаад буй гурав ба дөрөв дэх хүмүүс болж байгаа юм.
Палестины ХАМАС бүлэглэлийн зэвсэгт жигүүрийн төлөөлөгч Абу Убайда "Тэдний эрүүл мэндийн байдал муу байсан тул бид хүнлэг ёсний үүднээс суллахаар шийдвэрлэсэн" гэж Telegram агентлагт мэдэгдсэн байна.
Газын зурвасын хилийн ойролцоох Нир Оз суурингаас тэднийг нөхрүүдийнх нь хамт барьцаалсан аж. Өнгөрсөн баасан гарагт америк эмэгтэйг охиных нь хамт сулласны дараа ХАМАС бүлэглэл тэднийг өчигдөр суллалаа. Энэ хоёр эмэгтэйн нөхрүүд барьцаалагдсан хэвээр байгаа юм.
Эх сурвалж: ГАЗЫН ЗУРВАС, 2023 оны аравдугаар сарын 24 /Reuters/
