Сан-Франциско хотод болсон дээд хэмжээний уулзалтын үеэр Хятад улсын дарга Си Жин Пин АНУ-ын талд хандан Тайваныг эзлэх бодолгүй, тийм төлөвлөгөө ч байхгүй гэдгээ илэрхийлсэн.
-Хятад улс 2027, эс бөгөөс 2035 онд Тайваныг бүрэн эзлэхээр зэхэж буй талаар АНУ мэдээлэл авсан тухай чих дэлссэн. Энэ бол ташаа мэдээлэл гэж Си Жин Пин мэдэгджээ.
Харин ямар тохиолдолд Хятад улс Тайваны эсрэг цэргийн хүч хэрэглэж болохоо ч тодотгож: - Тайван бие даасан улс болсноо зарлах
-Тайванд цөмийн зэвсэг байршуулах
-Эх газарт нэгдэх хэлэлцээрээс татгалзан, бие даасан арлын зохион байгуулалтад шилжихийг санаархах зэрэг оролдлого гаргавал цэргийн хүч хэрэглэхэд хүрнэ. ХКН нь 24 сая хүн амтай Тайваныг удирдаж байсан түүхгүй. Харин нэг зүйлийг тодотгоё.
Тайваны газар нутаг бол Хятад улсын газар нутгийн нэг хэсэг юм. Хэдэн арван жилийн өмнөөс АНУ нь Тайваны асуудлаар "стратегийн ойлгомжгүй" байдлыг энэ бүсэд бий болгосон. Хэрвээ Хятад улс Тайваныг цэргийн хүчээр эзлэх тохиолдолд Тайваны талд АНУ зогсох уу, үгүй юу? гэдгийг бид одоохондоо хэлж чадахгүй нь.
Бид Тайваныг хүчээр нэгдэхийг шахаж, шаардаагүй боловч, тийм зүйл болохыг үгүйсгэхгүй байна гэсэн давхар санаатай, хоёр үзүүртэй зүүг СиЖин Пин айлчлалынхаа төгсгөлд Джо Байдены толгойд шигтгэчихээд одсон байна. АНУ-БНХАУ-ын дипломат харилцааны хамгийн эмзэг сэдэв бол Тайван хэвээр үлдлээ гэж уг айлчлалыг Синьхуа агентлаг дүгнэв.
Дээрх хэлсэн үгээс нь үзвэл, Си Жин Пин гэртээ хариад эдийн засгийн дарамт шахалтыг мэдрэх үедээ Тайваны талаар хэлсэн үгээ ор тас умартаж, өөрийгөө ч хянаж чадахгүй байдалд хүрэх магадлалтай гэж Торонтогийн Их Сургуулийн судлаач дүгнэсэн байна.
Ийнхүү хоёр улсын ерөнхийлөгчийн дээд хэмжээний уулзалтыг ахиц, дэвшил гарсан гэж дүгнэж буй ч, нөгөө талаар Тайваны асуудлаас болж буцаад сөргөлдөх байдалд орохыг ч эрдэмтэн судлаачид үгүйсгэхгүй байна.
Ц.ЭНХБАТ