Өнөөдөр буюу энэ сарын 11-нд зүүн аймгуудын нутгаар цас орж цасан шуурга шуурахыг анхааруулж байна.
Шөнөдөө баруун аймгуудын нутгийн өмнөд, төвийн аймгуудын нутгийн өмнөд болон зүүн, говийн аймгуудын нутгийн хойд, зүүн аймгуудын нутгийн баруун хэсгээр, өдөртөө баруун аймгуудын нутгийн баруун, төв, говийн аймгуудын нутгийн зүүн хэсэг, зүүн аймгуудын ихэнх нутгаар цас орж, цасан шуурга шуурна.
Ихэнх нутгаар баруунаас секундэд 5-10 метр, Алтайн салбар уулс, говь, талын нутгаар секундэд 12-14 метр хүрч ширүүсэх тул болзошгүй эрсдэлээс урьдчилан сэргийлэх арга хэмжээ авахыг ОБЕГ-ын Урьдчилан сэргийлэх газар малчид, тээвэрчид, иргэдэд анхаарууллаа.
Эх сурвалж: Монцамэ
