ЭНЭТХЭГТ НЭЭСЭН ШИНЭ БАКТЕРИЙГ Р.ТАГҮҮРИЙН НЭРЭЭР НЭРЛЭЖЭЭ

2023-12-25  

Энэтхэгийн "Висва-Бхарати" их сургуулийн микробиологичид ургамлын ургалтыг түргэсгэдэг шинэ төрлийн бактерийг тус их сургуулийг үүсгэн байгуулагч, Нобелийн шагналт зохиолч, яруу найрагч, нийгмийн зүтгэлтэн Рабиндранат Тагүүрийн (1861-1941) нэрээр нэрлэжээ.

Хөдөө аж ахуйн хөгжилд оруулсан хувь нэмрийг нь үнэлэн энэхүү бичил биетийг P.Тагүүрийн нэрээр нэрлэсэн байна. Энэхүү нээлтийг хийсэн эрдэмтдийн багийн гишүүн Бомба Дас "Энэтхэгийн агуу зохиолчийн нэрээр амьд организмыг анх удаа нэрлэж байгааг" онцоллоо.

Эрдэмтэд “Pantoea Tagorei" хэмээх энэхүү шинэ төрлийн бактерийг нүүрсний уурхайн чулуулгаас илрүүлжээ. Бактери нь фосфор, калийг уусгах чадвартай бөгөөд үр тарианы ургалтыг түргэсгэдэг аж. Шинэ төрлийн бактери нь Энэтхэгийн тариаланчдыг химийн бордооноос органик бордооны хэрэглээнд шилжүүлж, хөдөө аж ахуйн үйлдвэрлэлийг нэмэгдүүлэхэд хувь нэмэр оруулна гэж эрдэмтэд үзэж байна.

"Вишва-Бхарати" нь ЮНЕСКО-гийн Дэлхийн өвийн жагсаалтад энэ онд бүртгэгдсэн Шантиникетан хотын их сургууль юм. 1921 онд Рабиндранат Тагүүр тус их сургуулийг байгуулахад зориулж Нобелийн шагналаасаа мөнгө хандивлаж байжээ. 1951 онд Вишва-Бхарати нь үндэсний хэмжээний их сургууль болж өргөжин одоо 12 хүрээлэн, 16 судалгааны төвтэй ажиллаж байна.

 

Эх сурвалж: ШИНЭ ДЕЛИ, 2023 оны арванхоёрдугаар сарын 25 /The Times of India/

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?