ЗАСГИЙН ГАЗАР, ЗАСАГ ДАРГА ХОЁРЫН АНХНЫ "ХОРШИЛ" БА АМБИЦ

2024-02-26  

Засгийн газар, тэр дундаа Ерөнхий сайд Л.Оюун-Эрдэнэ хотын асуудалд “хуруу гар”-аа сайтар дүрж байна. Урьд нь ийм байгаагүй юм. Засгийн газар тэнд, хот энд байсан. Товчхондоо, Ерөнхий сайд хотын ажилд орж чаддаггүй. Хотын дарга гэдэг тэндээ бас нэг “Ерөнхий сайд” байв. 1992 оноос хойшх Засгийн газар, хот хоёрын харилцаа хамаарлыг нэг харчихаарай. Шууд ойлгогдоно.

Харин 2023 оны аравдугаар сарын 12-нд Ерөнхий сайд Л.Оюун-Эрдэнэ “өөрийн хүн” Х.Нямбаатарыг Хотын даргад дэвшүүлж, НИТХ-ын хурлаар батлуулсан. Тэрбээр НИТХ-ын хуралдаан дээр “...Засгийн газар өнгөрсөн хугацаанд нийслэл Улаанбаатар хотод бүх асуудлыг даатган орхисон нь энэ бүх асуудал ужгирах суурь асуудал болсныг үгүйсгэхгүй ээ. Харин энэ удаа Засгийн газар хуулийн хүрээнд нийслэлийн тулгамдсан асуудалд зөвхөн дэмжлэг үзүүлэх биш шууд оролцож ажиллах нь зүйтэй гэж үзэж байна. Тийм ч учраас Хотын даргаар  Х.Нямбаатарыг томилон ажиллуулах нь зүйтэй гэж үзсэн юм. Шинээр томилогдож буй Хотын даргад нэгдүгээрт, нийслэлд бодлого, тогтолцоо, бүтэц, эрх зүйн цогц реформ хийх, хоёрдугаарт., авлигатай тэмцэх “5Ш” ажиллагааг нийслэлд хэрэгжүүлэх үүрэг даалгаврыг өгч байна. 

Дунд шатны авлигыг цэгцлэх, тэр дундаа Монгол Улсын иргэдийн 50 гаруй хувь нь амьдарч буй нийслэл Улаанбаатар хотын бугширсан системийг задлахаас өөр гарцгүй юм. Өнгөрсөн 30 жилийн хугацааны газрын наймааны асуудал, зөвшөөрөлгүй баригдсан барилгуудын хууль бусаар олгогдсон техникийн зөвшөөрлийн асуудлууд, цаана нь нуугдаж буй авлигын асуудлууд, СӨХ, иргэдийн зүгээс гаргаж тавьсан ч шийдэгдэлгүй сунжирдаг асуудлууд, түүний ард байгаа албан тушаалтнууд, шүүгчид, тэдний хамаарал бүхий этгээдүүдийн хууль бус үйлдлүүд, сургууль, цэцэрлэгийн талбай, хороолол доторх хороолол, жуулчны отог нэртэй хаус хотхонууд, гэр хороолол болсон аялал жуулчлалын бүсүүдийг цэгцлэх зайлшгүй шаардлагатай байна. Өнгөрсөн хугацаанд гарсан нийтийн тээврийн асуудлуудыг илрүүлэн гаргаж, нийтийн тээврийн олон улсын жишигт нийцүүлж цэгцлэх шаардлагатай.

Үерийн далан хааж барьсан авлигын цамхагууд, төмөр замын бүсэд сүндэрлэсэн тансаг хорооллууд, замын хөдөлгөөний гольдролыг бөглөж боссон худалдааны төвүүдийн цаана хэдхэн хүн баяжиж, нийт нийслэлчүүд эрхээ зөрчүүлж хэрхэвч болохгүй. Энэхүү системийн авлигын тогтолцоог илчлэх ажиллагаанд ил болон далд хэлбэрээр саад учруулахгүй байхыг улстөрчид, хотын албан тушаалтнуудад хатуу сануулъя” гэж байв.

Мөн Ерөнхий сайд энэ долоо хоногоос нийслэлийг бүсчилж хөгжүүлэх асуудлаар цуврал уулзалтуудаа эхлүүллээ. Уулзалтаа хамгийн олон хүн амтай Сонгинохайрхан дүүргийн Толгойт орчмын гэр хорооллын бүсийн төлөвлөлтийг хэрхэн хийх асуудлаар хорооны Засаг дарга, хэсгийн ахлагч нартай хийжээ. Тэрбээр уулзалтын үеэр “Улаанбаатар хот өнөөдөр 1.7 сая хүн амтай, 437 мянган өрхтэй, 204 хороотой. Үүний тал хувь нь гэр хороолол буюу инженерийн шугам сүлжээгүй, агаар, хөрс, усны бохирдолтой нөхцөлд амьдардаг. Сонгинохайрхан дүүрэг Таван шар, Толгойт, Баянхошуу, Өнөр гэсэн дөрвөн томоохон бүсэд 43 хороогоор дамжуулж иргэдэд төрийн үйлчилгээг хүргэж байгаа. Монгол Улсын хүн амын тал хувь нь амьдардаг Улаанбаатар хотын ужгирсан бүх асуудал төлөвлөлтийн алдаатай шууд холбоотой. Үүнийг засахын тулд Засгийн газар онцгой анхаарна. Цаашид есөн дүүргийн гэр хороололд ажиллаж, утаа, нийтийн тээврийн хүрэлцээ, авто зам, хогны тээвэр, гэмт хэргийн гаралт, эрүүл мэнд, боловсролын үйлчилгээ, орон сууцжуулалт, дэд бүтэц, хөрөнгө оруулалт зэрэг нийслэлчүүдэд тулгамддаг асуудал бүрийг шийдэх зорилготой нийслэлийг бүсчилж хөгжүүлэх төлөвлөлтийг Засгийн газар боловсруулна” гэжээ.

Товчилбол, 1990-ээд оноос хойш анх удаа Засгийн газар, Засаг дарга хоёр “хоршиж” буй нь энэ юм. Тэд дээр хэлсэнчлэн Улаанбаатар хотод ужгирсан авлигын асуудлыг цэгцлэхэд “хоршиж”, Улаанбаатарыг метроноос эхлээд олон бүтээн байгуулалт бүхий орчин үеийн хот болгох амбиц тавиад байгаа юм.

Эх сурвалж: “Зууны мэдээ” сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
С.Зоригтой сүүлчийнх нь өдөр ресторанд уулзсан 11 хүнийг эрэн сурвалжилж эхэлсэн үү
Л.Оюун-Эрдэнэ “Системийн авлигыг Ц.Элбэгдорж угсарсан”, Ц.Элбэгдорж “Чи намайг мааф гэж уншаад байна”
Л.Оюун-Эрдэнэ: С.Зоригийн хөшөөг газартай нь худалдаж, нүүлгэнэ гэдэг ардчиллын үнэт зүйл авлигын өмнө сөхөрсний илэрхийлэл
ДЭЭД ШҮҮХ: Т.БАДАМЖУНАЙ, Ц.АНАНДБАЗАР НАРТ ХОЛБОГДОХ АВЛИГЫН ХЭРГИЙГ НЭГТГЭХ НЬ ЗҮЙТЭЙ ГЭСЭН ШИЙДВЭР ГАРАВ
Л.ОЮУН-ЭРДЭНЭ: БАЯЛГИЙН САНГИЙН ХУУЛИЙГ ЭСЭРГҮҮЦСЭН ГИШҮҮДИЙГ НЭР ДЭВШҮҮЛЭХГҮЙ, ТЭД ОЛИГАРХИУДЫНХАА НАМ РУУ ЯВЖ БОЛНО
Р.БАЗАР БАНКИНДАА 6 САЯ ДОЛЛАРЫГ "ТӨВЛӨРҮҮЛЭЭД" БАРИВЧЛАГДСАН УУ
Л.ОЮУН-ЭРДЭНИЙН ЯРИЛЦЛАГА НЭР БҮХИЙ ГЭРЧҮҮДИЙН НУУЦАА ДЭЛГЭХ ЯРИАНЫ "ШТОРК" БАЙВ УУ
Х.БАТТУЛГЫГ ОРОСТ "ДУУДСАН" УУ
УЛААНБААТАРЫГ БҮСЧИЛЖ ХӨГЖҮҮЛЭХ ТАЛААР 1.7 САЯ ИРГЭНИЙ ТӨЛӨӨЛӨЛ ИНГЭЖ ЯРЬЖ БАЙНА
ЕРӨНХИЙ САЙД АСАН С.БАТБОЛД ДЭЛХИЙН ХЭВЛЭЛҮҮДЭД...
Шинэ мэдээ
Санал асуулга
ИРЭХ СОНГУУЛЬД ТА АЛЬ НАМД САНАЛАА ӨГӨХ ВЭ?