Парисын Паралимпын нээлтийн ёслол өнөөдөр болно. Дэлхийн 180 гаруй орны тамирчид оролцох парад Элисейн талбайгаас Эв нэгдлийн талбай хүртэл үргэлжлэх юм. Нээлтийн ёслолыг 65 мянга орчим хүн үзэх төлөвтэй байна.
Орон нутгийн цагаар 19:00 цагт /Улаанбаатарын цагаар 02:00 цагт/ эхлэх нээлтийн ёслол нь Паралимпын наадмын түүхэнд цэнгэлдэх хүрээлэнгийн гадна зохиогдох анхны ёслолын үйл ажиллагаа гэдгээрээ онцлогтой. Тамирчдын парадад 180 гаруй орны 4400 орчим тамирчин оролцох ажээ.
Улмаар пүрэв гаргаас дугуй, усанд сэлэлт, таеквондо, ширээний теннисний тэмцээн уралдаанууд эхэлнэ. Паралимпын 28 спортын төрөл байдгаас Парисын наадамд тамирчид 22 төрөлд хурд хүчээ сорих юм. Энэхүү наадмын тэмцээнүүд нийт 18 газарт хоёр долоо хоногийн турш үргэлжлэх бөгөөд хаалтын ажиллагаа есдүгээр сарын 8-нд болно.
Паралимпын галыг өнгөрсөн бямба гарагт Их Британийн паралимпч Хелен Рэйнсфорд, Грегор Эван нар Паралимпын өлгий нутаг болох Английн Сток-Мандевилл сууринд асааж, Францын паралимпч Эммануэль Ассман ням гарагт Францад авчирчээ. Галт бамбарын буухиа нээлтийн ёслолын үеэр өндөрлөнө.
“Парис-2024” Паралимпын наадамд оролцох тамирчид 549 багц медалийн төлөө өрсөлдөнө.
Эх сурвалж: ПАРИС, 2024 оны наймдугаар сарын 28 /Sky News/
