Сум, дүүргийн ИТХ-ын ээлжит сонгуулийн санал хураалт 07.00 цагт эхэлсэн билээ. Тэгвэл нийслэлийн сонгуулийн хорооны дарга Ү.Ганболд сонгуулийн ирцийн дүнг 12.00 цагийн байдлаар дүүрэг тус бүрээр нэг бүрчлэн танилцууллаа.
1. Багахангай дүүрэгт 659 сонгогч саналаа өгсөн нь нийт сонгогчийн 23 хувь,
2. Баянгол дүүргийн 18476 сонгогч саналаа өгч, нийт сонгогчийн 14 хувь
3. Баянзүрх дүүрэгт 22678 сонгогч саналаа өгсөн нь 11 хувь,
4. Налайх 4522 сонгогч саналаа өгсөн, нийт сонгогчдын 19 хувь,
5. Сонгинохайрхан дүүрэгт 22171 сонгогч санал өгч, 11.7 хувь,
6. Сүхбаатар дүүрэгт 12 156 сонгогч санал өгч, 14.8 хувь
7. Хан-Уул дүүрэгт 13412 сонгогч саналаа өгч, 13.5 хувь
8. Чингэлтэй дүүрэг 12442 сонгогч саналаа өгч, 12.1 хувь нь тус тус сонгуульдаа оролцжээ.
Дээрх дүнгээс харахад нийслэлийн захын дүүрэг болох Багахангай, Налайхын иргэд саналаа эртлэн өгчээ. Нийслэлийн хэмжээнд нийт 110 404 сонгогч саналаа өгснөөр ирц 12.9 хувьтай байна.
А.ГАНТУЯА
