Баянзүрх дүүргийн 1796-р хэсгийн санал хураалтын ажиллагааг 22:00 цагт зогсоолоо. Санал хураалт 34.98 хувьтай байлаа. Тус хэсгийн хороонд ямар нэг зөрчил гараагүй бөгөөд санал хураалтын мэдээллийг төв штабруугаа явууллаа. Бусад дүүрэг хороодын хувьд сонгуулийн ирц мөн адил тааруу байна гэж урьдчилсан байдлаар мэдээлж байна.
Тэгвэл Нийслэлийн сонгуулийн хороо 02.30 минутад мэдээллэснээр дахин сонгуульд явуулах дүүрэг хороодыг танилцууллаа. Үүнд :
Сүхбаатар дүүргийн 20 мандатын 5 тойрог (1, 3, 9, 11 зэрэг)-т ирц хүрээгүй тул дахин сонгууль явуулна
Хан-Уулын дүүргийн 2, 3, 4, 11, 15 хороонд ирц хүрээгүй
Баянгол дүүргийн 1, 3, 4, 5, 6, 7, 10, 20 хороонд ирц хүрээгүй
Баян-Зүрх дүүргийн ихэнх хороонд ирц хүрээгүй, хамгийн хангалтгүй
Чингэлтэй дүүрэг 19 хороотойгоос үүний 15-н хороонд нь ирц хүрээгүй
Сонгинохайрхан дүүрэг 32 хороотойгоос үүний 21-н хороонд нь ирц хүрээгүй учраас дахин сонгууль явуулна гэсэн мэдээлэл байна.
Харин Налайх, Багахангай дүүргүүдэд сонгуулийн ирц 50-иас дээш хувьтай гарсан байна. Нийслэлийн сонгуулийн хорооны дарга Ү.Ганболд хэлэхдээ санал хүрээгүй 79 хороодод нэмэлт санал хураалтыг ирэх ням гарагт явуулж магадгүй гэж хэллээ.
Б.БАТБААТАР
