Монгол банкны Ам.долларын ханш зарах нь 2453,0 төгрөг байгаа бол Найман шарга дээр яг одоогийн байдлаар 2,590.0 төгрөгөөр авч 2,610.0 төгрөгөөр арилжаалж эхлэв.
Голомт банк : Бүх валют арилжаагаа зогсоосон. Хэзээ арилжиж эхлэх талаар мэдээлэл байхгүй байна гэсэн юм.
ХААН банк : Өчигдөр үдээс хойш ам.долларын арилжаагаа зогсоох шийдвэр гаргасан.
Төрийн банк : Тодорхойгүй хугацаагаар арилжаагаа зогсоосон бөгөөд хэзээ арилжих нь тодорхойгүй байна.
Худалдаа хөгжлийн банк : Валют зарах арилжааны гүйлгээ зогссон. Хэзээ нээгдэх талаар мэдээлэл байхгүй.
Улаанбаатар хотын банк : Харилцагчдадаа 1000 хүртэлх ам.доллар арилжиж байна.
Ариг банк : Харилцагч бол 1000 хүртэлх ам.доллар арилжих боломжтой.
Хасбанк : Бэлэн бусаар 2.500.000 төгрөгт валют арилжиж байна. Бэлэн валют арилжихгүй гэсэн шийдвэрүүдийг гаргасан байна.
Монголбанк : Хиймэл эрэлтийг дэмжих боломжгүй. Валютын нөөцөө хамгаална гэж тус тус мэдэгдээд байна. Тэдний хэлж байгаагаар долларын ханш өссөн учраас гүйлгээгээ түр зогсоогоод байна гэж тайлбарлаж байлаа.
Ц.ХИШГЭЭ