Өнөө өглөө долларын ханш 12:00 цагийн орчимд найман шарга захад л гэхэд 2,710 төгрөгт хүрч өсөөд байсан. Харин 16.00 цагийн үед найман шарга вальют арилжааны захад 2470 хүрч буулаа.
Монголбанкны ОНБМТ-ийн захирал Б.Лхагважав өнөөдрийн хэвлэлийн бага хуралд "Төгрөгийн гадаад валюттай харьцах ханш сүүлийн өдрүүдэд огцом сулраад байна. Үүнийг Монголбанк тэнцвэрт төвшнөөс хэт хөөсөрсөн түр зуурын шинжтэй гэж үзэж байна. Монголбанк ханшийн энэхүү огцом хэлбэлзлийг тогтворжуулахад шаардлагатай бүхий л арга хэмжээг авна гэдгээ мэдэгдэж байна" гэсэн юм.
Мөн арилжааны том банкууд доллар зарж эхэлсэн бөгөөд жижиг банкуудын хувьд бага хэмжээгээр зарж байна.
Х.ТЭМҮҮЖИННАМСРАЙ
