Төсвийн алдагдлыг ойрын хугацаанд хурдан бууруулахгүй бол гадаад зах зээл дээр Монгол улсын эдийн засгийг үнэлэх үнэлэмж энэ хэмжээгээрээ муудсаар байх болно хэмээн АН төсвийн талаар мэдэгдэл хийсэн юм. Тиймээс алдагдлыг бууруулахаар өдөр шөнөгүй ажиллах ёстой гэсэн шаардлагыг АН хүргүүллээ.
Төсвийн урсгалыг бууруулах үрэлгэн зардлыг огтоос гаргахгүй байж бид эдийн засгийн хүнд хэцүү, хяналттай үеэ давж туулах ёстой гэсэн байр сууриа АН барьсаар үргэлжлүүлж, эрх баригч нар, засгийн газрынханд хүргүүлсээр байх болно гэдгээ мэдэгдэв.
Зарлагууд ерөнхийдөө нэлээд буурч, танагдаж батлагдсан боловч санасан хэмжээнд хүрсэнгүй гэв. Тэрээр төсвийн талаар 2017 оны төсвийг аль болохоор алдагдал багатай, зарлагыг дээд хэмжээнд хүргэж танасан, орлогоо бүх боломжоор нь шавхсан ийм төсөв байх ёстой гэсэн шаардлагыг АН анхнаасаа тавьсан боловч харамсалтай нь бидний хэлсэн шиг алдагдлыг дотоодын нийт бүтээгдэхүүний 6,8 хувьд оруулж бууруулах бүх боломжийг ашиглаж чадаагүй бөгөөд 9,9 байсан алдагдлыг 9,1 болгож 0,8 хувь бууруулсан төсвийг баталсанд ийнхүү мэдэгдэл гаргаж байгаагаа илэрхийллээ.
Тэд энэ төсвийг бүх боломжийг дайчилж ашигласан төсөв болж чадсангүй гэж үзэж байгаа юм байна. Мөн сайд нарын багц 2016 оныхоос нэмэгдсэн байгааг онцолсон юм.
О.НАНСАЛМАА
