Дэлхийн цэвэр зэсийн хэрэглээ 2017 онд өнгөрсөн оны мөн үеийнхтэй харьцуулахад 3 хувиар өсч, 22 сая тонн болох төлөвтэй байна.
Дэлхийн зэсийн эрэлтийн 40 хувийг бүрдүүлдэг Хятадын эрэлт ирэх онд таван хувиар өсөх таамаг гарчээ. Харин цэвэр зэсийн үйлдвэрлэл өмнөх оныхоос 6,5 хувиар нэмэгдэж, 22,4 сая тонн хүрэхээр байна. Зэсийн үнэ 2019 он хүртэл жил бүр 1,5 хувиар өссөөр 6906 ам.долларт хүргэж шинжээчид таамаглаж байна.
Манай улсын зэсийн ханш 11-ээр сарын 25-ны баасан гарагт Лондон металлын бирж дээр 5847 ам.долларт хүрсэн нь сүүлийн 17 сарын хамгийн өндөр үзүүлэлт боллоо. Барилга байшин, аж үйлдвэрийн бүтээн байгуулалтад зэс хамгийн их хэрэгтэй байдаг тул БНХАУ-ын аж үйлдвэрийн салбарын өсөлт үүнд бас эерэгээр нөлөөлсөн гэж шинжээчид үзэж байна. Хятадууд дэд бүтцийн салбартаа 720 тэрбум ам.долларын, Канад улс дэд бүтцийн салбарт 125 тэрбум ам.доллар нийлүүлэхээ мэдэгдсэн байна.
Ц.ХИШГЭЭ
