АН-ын лидерүүдийн нэг. Нам ялах, засагт хамтрах тохиолдол бүрт сайдын албан тушаалд очдог нөлөөтэй. Намдаа хүчтэй байр суурь эзлэх болсон Шонхор фракцийн ерөнхийлөгч. УИХ дахь АН-ын бүлгийн дарга. УИХ-ын сонгуулиар Баянголоос ганцаараа сонгогдсон. Баянгол дүүргийг С.Эрдэнийн вант улс гэж нэрлэх нь ч бий. Түүнийгээ батлах мэт Баянгол дүүргийн орон нутгийн сонгуульд АН-аа удирдан ялалтад хүргэсэн. Маргаангүй, цорын ганц ялалт байгуулсан дүүрэг бол Баянгол. Маш хөдөлмөрч, өндөр зохион байгуулалттай, алсын хараатай ажиллаж чаддаг удирдагч гэж Шонхор фракцийнхан түүнийг үнэлэх нь бий. АН-ыг сөрөг хүчин шиг ажиллуулна. Эрх баригчдыг зүгээр суулгахгүй гэж мэдэгдсэн. Тиймээс АН-ыг сөрөг хүчин шиг сөрөг хүчин болгохын төлөө С.Эрдэнэ ажиллах нь гэж ойрын хүрээнийхэн нь дүгнэж байна.
Х.ТЭМҮҮЖИННАМСРАЙ