АН-ын даргын сунгаа дуусахад 12 хоног үлдлээ. Гишүүдээ шинэчлэн бүртгэлээ. Аймгуудаараа явж дуусах дөхлөө. Сунгааны явцад 3 хүн л өнгөлж байна. С.Эрдэнэ, Д.Эрдэнэбат, Н.Алтанхуяг нар санал асуулгыг ямагт тэргүүлсээр.
Хэрвээ сунгааг хоёр шаттай явуулсан бол УИХ-ын гишүүд үлдэх нь, тэр дундаа С.Эрдэнэ, Д.Эрдэнэбат нар үлдэх нь тодорхой болж байна. Одоогоор гишүүд хэлбэлзэх, эргэлзэх нь багасаж, нэг тийшээгээ хазайх тал руугаа шилжиж байна гэж шинжээчид дүгнэж байна. С.Эрдэнэ болчих бий гэсэн болгоомжлол АН дотор биш, харин МАН-ын удирдлагын хүрээнд үүссэн гэх мэдээлэл ордноос халилаа. Тиймээс С.Эрдэнийг гүтгэх, муулах, нэр төрд нь бүдүүлгээр халдах ажиллагаа ойрноос эрчимжжээ.
О.НАНСАЛМАА