УИХ-ын 76 суудлын 65-ыг авсан МАН маналзаж байна, бас маналзуулж байна. АН-ын гэх тодотгол дор төрийн албан хаагчдыг орвонгоор нь халж, халаасны хүмүүсээ байрлуулж эхлээд хагас жил боллоо. УИХ, Засгийн газрыг 100 хувь мэдэлдээ авсан МАН-д ерөнхийлөгчийг, түүний тамгын газартай нь авах л үлджээ. Тэгвэл элчин сайдын томилгоо, шүүх прокурорыг гартаа оруулна. Тэгэж гэмээнэ Монгол улсыг МАН бүхэлд нь базах цаг ирнэ.
Одоогоор, ерөнхийлөгчийн сонгуульд нэр дэвшүүлэх эрх бүхий МАН, АН, МАХН гурвын дунд буюу, гурван "Э" болох М.Энхболд, Ц.Элбэгдорж, Н.Энхбаяр нар эхний тохиролцоогоо хийж эхэлсэн гэх ноцтой мэдээ иргэдийн дунд ам дамжин тархаж байна. Ерөнхийлөгчийн сонгуульд, МАН-аас нэр дэвшигч ялах магадлалыг бий болгож байна гэх чимээ ч байх.
Э.ҮҮЛЭНЦЭЦЭГ