Улс төрийн намууд тойрогтоо ялалт авчрах магадлалтай нэр дэвшигчдийн эрэлд морджээ. Зарим нь эхнээсээ тодорхой болж байгаа тухай чимээ ч сонсогдоно. Завхан аймагт АН удирдах ажилтны зөвлөгөөн хийж байна, энэ өдрүүдэд. Завханд АН-аас нэр дэвших эхний хүн тодорсон гэж үзэж болно. Энэ бол Санжмятав юм. Хоёр ч удаа аймгаасаа УИХ-д сонгогдсон, завсар дахь 4 жил нь аймгийн намын дарга, засаг даргаар ажилласан түүнтэй өрсөлдөх өрсөлдөгч намд нь хараахан байхгүй. Харин 2 дахь нь хэн бэ? гэдэг асуултад АН хараахан хариу өгөөгүй байна. Горилогчийн тоонд төрийн банкны гүйцэтгэх захирал Батсайхан, Санхүүгийн зохицуулах хорооны дарга асан Нарантуяа нар яригдаж байгаа. Нарантуяа өөрийн хүсэлтээрээ ажлаа хүлээлгэн өгч сэтгэл шулуудсан бол Батсайхан энэ жил өөрийнх нь ээлж дугаар ирнэ гэж хүлээж байгаа. Нам удахгүй шийдээ гаргана, ямар ч гэсэн нэр дэвшихийг горилогсод зөвлөлгөөндөө идэвхтэй оролцож, гишүүдтэйгээ тус тусдаа ажиллаж байна гэх мэдээллийг CONTROL.MN-д Завхан аймгаас мэдээллээ.
Б. ЦЭБЭ
