Нэг сар гаруйн өмнө Хөдөлмөрийн үндэсний нам ХҮН НАМ-ЫН даргаар сонгогдсон УИХ-ын гишүүн С.Ганбаатарыг тус намаас хөөх үндэслэлтэй хэмээн ХҮ намын Хариуцлагын ерөнхий хороо шийдвэрлэсэн байна. Ингээд энэхүү шийдвэрийн дагуу намын төв хороо нь хуралдаж намын дарга С.Ганбаатарыг огцруулан даргаар Б.Найдалааг сонголоо.
ХҮ намын Хариуцлагын ерөнхий хорооноос ХҮН НАМ-ЫН даргын 2016 оны 2 дугаар сарын 11-ны өдрийн 02 тоот тушаал болон тодорхой үйлдлүүд намын дүрэм журмыг зөрчсөн эсэх тухай” хэмээх шийдвэрт тус намын дарга С.Ганбаатарын 02 тоот тушаал нь Хариуцлагын ерөнхий хорооны тушаалыг түдгэлзүүлэхээр заасан нь ХЕХ-ны ажиллах журмын 6.2-ыг зөрчсөн, түүнчлэн удаа дараа эрх мэдлээ хэтрүүлэн дүрмийн бус тушаал гаргасан хэмээн үзэж намын даргын албан тушаалаас огцруулж өгөхийг хүссэн өргөдлийг тус намын Дундговь аймгийн намын хорооны дарга Ш.Эрдэнэбатын зүгээс гаргасан юм. Харин өнөөдөр хуралдсан намын төв хорооны хурлаар энэ бүх асуудлууд нэг мөр шийдэгдэн шинэ даргаар Б.Найдалааг сонгосон байна.
