АРИЛЖААНЫ ТОЙМ МЭДЭЭ
Монголын Хөрөнгийн Биржийн энэ өдрийн арилжааны үр дүнд зах зээлийн голлох индексүүд дахин уналттай хаагдав.
Тодруулбал, ТОП-20 индексийн хувьд өмнөх хаалтаас -124.53 нэгж буюу -0.97%-иар унаж 12,684.44 нэгжид хүрсэн байна. Тус индексийн уналтад сагсанд нь багтаж байгаа I ангилалын 4 хувьцааны ханш, II ангилалын 3 компанийн хувьцааны буурсан нь нөлөөлжээ. Үүнд:
I ангилалын хувьцааны тухайд:
- АПУ /MSE:APU/-ийн ханш -0.30%-иар
- Говь /MSE:GOV/-ийн ханш -2.02%-иар
- Сүү /MSE:SUU/-ийн ханш -0.48%-иар
- Талх чихэр /MSE:TCK/-ийн ханш -0.83%-иар
II ангилалын хувьцааны тухайд :
- Материалимпекс /MSE:MIE/-ийн ханш -1.82%-иар
- Тавантолгой /MSE:TTL/-ийн ханш -3.14%-иар
- Хөх ган /MSE:HGN/-ийн ханш -5.17%-иар
Харин нийт бүртгэлтэй хувьцааны ханшийн хөдөлгөөнийг илэрхийлж байгаа MSE ALL индекс өмнөх хаалтаас -3.86 нэгж буюу -0.46%-иар унаж 841.60 нэгжид хүрчээ.
www.marketinfo.mn сайтаас тооцдог салбаруудын индексийг харвал 3 салбарын хувьцааны индекс өсч, 4 салбарын хувьцааны индекс унав.
Аялал жуулчлалын салбарын MTS индекс 0.71%-иар өсч 73.86 нэгжид хүрсэн бол Уул уурхайн салбарын MMS индекс -2.08%-иар унаж 106.18 нэгжид хүрч хаагдсан байна.
Үнэт цаасны арилжааны хувьд зах зээл дээр 3,072,353 ширхэг үнэт цаас арилжигдаж, 1.02 тэрбум төгрөгийн гүйлгээ хийгдэв.
Тодруулбал, үнэт цаасны 3 ангилалд нийт 18 компанийн 1,521,881 ширхэг хувьцаа 478.89 сая төгрөгөөр арилжигдсан бол багцын арилжаагаар 3 компанийн 1,550,472 ширхэг хувьцаа 541.61 сая төгрөгөөр зарагдлаа.
Ангилалаар нь задлан харвал I ангилалд 4 компанийн 3,345 ширхэг хувьцаа 4.93 сая төгрөгөөр, II ангилалд 13 компанийн 1,518,527 ширхэг хувьцаа 473.95 сая төгрөгөөр, III ангилалд 1 компанийн 9 ширхэг хувьцаа 2,844 төгрөгөөр арилжигдсан байна.
Энэ өдөр хөрөнгө оруулагчдын хооронд нийт 50 хэлцэл хийгдсэн нь өмнөх өдрөөс буурсан үзүүлэлт боллоо.
Онцлох арилжааны хувьд нэр бүхий 3 компанийн хувьцаа багцын арилжаагаар зарагдсан явдал байлаа. Үүнд
- Бидисек /MSE:BDS/ компанийн 1,054,301 ширхэг хувьцаа нэг бүр нь 100 төгрөгөөр
- Дархан зочид буудал /MSE:DZG/ компанийн 12,973 ширхэг хувьцаа нэг бүр нь 100 төгрөгөөр
- Махимпэкс /MSE:MMX/ компанийн 483,198 ширхэг хувьцаа нэг бүр нь 900 төгрөгөөр зарагдлаа.
Дээрх хувьцаанууд нь бүгдээрээ зах зээлийн ханшаасаа доогуур үнээр арилжигджээ.
АРИЛЖААНЫ ИДЭВХИ
Үнэт цаасны арилжааны идэвхийн хувьд Хөх ган /MSE:HGN/ компанийн 1,285,447 ширхэг буюу нийт хувьцааны 1.3%-тай тэнцэх хувьцаа 70.71 сая төгрөгөөр арилжигдсан бол Баянгол зочид буудал /MSE:BNG/ компанийн хувьцаа 290.47 сая төгрөгөөр арилжигдан үнийн дүнгээр хамгийн идэвхитэй нь байлаа.
Салбарын үзүүлэлтээр харвал Аж үйлдвэрийн салбарын хувьцаа тоо ширхэгийн 84.47%-ийг бүрдүүлсэн бол Аялал жуулчлалын салбарын хувьцаа үнийн дүнгийн 60.82%-ийг эзлэв.
ХАНШИЙН ӨӨРЧЛӨЛТ
Зах зээл дээр 14 компанийн хувьцааны ханшид өөрчлөлт орсо н ба үүнийн 4 хувьцааных нь ханш өсч, 10 компанийн хувьцааны ханш буурчээ.
Жуулчин дюти фрий /MSE:SUL/ компанийн хувьцааны ханш хамгийн өндөр буюу 9.17%-иар өссөн бол Хөх ган /MSE:HGN/ компанийн хувьцааны ханш -5.17%-иар унаж хаагдав.
Эх сурвалж : WWW.MARKETINFO.MN
