“Монголын Хөлбөмбөгийн Холбоо”-ноос жил бүр зохион байгуулдаг “Холбооны цом”-ын тэмцээний нэгдүгээр шатны тоглотууд энэ өдрүүдэд явагдаж байна. “Хүрхрээ” нэгдүгээр лигийг тэргүүлж буй “Жипро” клуб “Монголын Тэмүүлэл” багтай тоглолт хийж 5:3-аар хожил байгууллаа.
Тоглолтын эхний гоолыг 14 дэх минутанд “Жипро” багаас Г.Нямаа гоол оруулсан бол тэнцээний гоолыг “Монголын Тэмүүлэл”-ээс Т.Ууганбаяр хийсэн. Гэсэн ч тоглолтын 26 болон 32 дахь минутанд М.Бүүвэйбаатар, Э.Уламбаяр нар гоол оруулж эхний хагасд “Жипро” клуб 3:1-ээр илүүрхсэн.
Хоёрдугаар үед “Монголын тэмүүлэл”-ээс н.Мягмаршагдар 46, Ганцоож 66 дахь минутанд гоол оруулсан ч нэгдүгээр лигийг тэргүүлж буй “Жипро” клубээс Чинбаатар, Мөнхбаясах нар гоол оруулж багаа хожилд хүргэсэн байна. Тэд хоёрдугаар шатанд дээд лигийн “Хоромхон” болон “Шонхорууд” багийн ялсантай нь өрсөлдөнө.