АНУ-ын бөхийн холбоо Францын Парис хотод зохиогдох энэ оны дэлхийн аварга шалгаруулах тэмцээнд оролцох тамирчдаа сонгон шалгаруулах сорил барилдаан явууллаа. Сорил тэмцээнд дөрөвдүгээр сарын сүүлээр болсон улсын аваргад түрүүлсэн тамирчинтай сонгон шалгаруулах тэмцээний ялагч халз барилдсан байна. Энэ удаагийн тэмцээнд улсын аваргад 65 кг-д түрүүлсэн Жордан Оливер допингийн шалгалтад бүдэрснээр мөнгө, хүрэл медальт Молинаро, Ретерфорд нар хоорондоо халз барилдсан юм.
Дэлхийд чөлөөт бөхийн хөгжлөөр тэргүүлэгч Америк улсыг төлөөлж эрэгтэйчүүдийн
• 57 кг-д Томас Гилман
• 61 кг-д Логан Стибер
• 65 кг-д Зейн Ретерфорд
• 70 кг-д Жеймс Грин
• 74 кг-д Жордан Барроуз
• 86 кг-д Жэйден Кокс
•97 кг-д Кайл Снайдер
• 125 кг-д Ник Гваздовски нар ДАШТ-ийг зорихоор болсон байна.