Сонирхогчийн боксын “А” зэрэглэлийн “Улаанбаатарын цом” тэмцээн зургаадугаар сарын 21-25-ны өдрүүдэд Хандгайт дахь спорт цогцолборт болно. Энэ тэмцээн 28 дахь удаагаа болж байгаа бөгөөд 12 орны шилдэг 121 тамирчин оролцохоор урьдчилсан мэдүүлгээ ирүүлжээ.
Тэмцээнд эрэгтэй 7, эмэгтэй 3 жинд шилдэг боксчид хурд, хүч, авхаалж самбаа, сорих юм. Монгол Улс зохион байгуулагчийн хувьд нэг жинд 4 боксчинг тулалдах эрхтэй. "Улаанбаатарын цом" боксын олон улсын “А” зэрэглэлийн тэмцээн нь Германд болох насанд хүрэгчдийн дэлхийн аварга шалгаруулах тэмцээний өмнөх томоохон шалгуур болж байна.