Сонирхогчдын боксын "Улаанбаатар цом" олон улсын тэмцээн Хандгайт дахь "Их тамир" спорт цогцолборт эхэллээ. "Улаанбаатар цом" боксын 28 дахь удаагийн олон улсын тэмцээнд Монгол, ОХУ, БНХАУ, Энэтхэг, Казахстан зэрэг арван орны нийт 121 боксчин өрсөлдөж байгаа юм. Харин тэмцээнийг зохион байгуулагч Монгол улсаас нэг жинд дөрвөн тамирчин оролцож байна. Энэ удаагийн тэмцээнийг МУГТ Д.Отгондалай, ОУХМ Б.Түвшинбат, ОУХМ Э.Цэндбаатар нарын шилдгүүд өнжиж байгаа юм. Тэмцээн энэ сарын 25-нд өндөрлөж аваргуудаа тодруулна.
О.ДАШНЯМ
