Бразил хамгаалагч Дани Алвеш Италийн “Ювентус”-аас явж, Английн “Манчестер Сити”-д үнэгүй очиход ойрхон байна. Тэрбээр Каталонд хамтран ажиллаж байсан Пеп Гвардиолатай дахин гар нийлэн ажиллахыг хүсч буй юм.
Турины багийн гүйцэтгэх захирал Беппе Моратта энэ талаар “Хөлбөмбөгч хүнд хүсэл тэмүүлэл хамгийн чухал байдаг. Дани Алвеш багаас явж, өөр шинэ сорилттой тулахыг хүсч буйгаа бидэнд дуулгасан. Тиймээс бид түүнтэй гэрээг цуцалж, сайн сайхныг хүсэн явуулахаас өөр замгүй. Мэдээж, түүний явж буйд харамсалтай л байна. Гэхдээ бидний хооронд ямар ч зөрчилдөөн байгаагүй шүү” гэж өгүүлсэн байна. Өнөө жил 34 настай Бразил хамгаалагч “Ювентус”-ын бүрэлдэхүүнд 19 тоглолтод оролцож 2 гоол оруулсан юм.
О.ДАШНЯМ