Улаанбаатар цом” олон улсын боксын тэмцээнд эрэгтэйчүүдийн 49 кг-д тулалдсан ОУХМ Г.Ган-Эрдэнэ алтан медалийн болзол хангалаа. Тэрээр шигшээ тулаанд Филиппиний боксчин Дэлхийн аваргын хүрэл медальт Ладон Рогеныг 3:2-оор ялсан юм. Энэ жинд хүрэл медалийг Индонезийн боксчин Фердинан Бертолен Касе, Энэтхэгийн боксчин Кумар Какара нар хүртсэн байна.
Мөн тэмцээний эрэгтэйчүүдийн 64кг-д Г.Баярхүү алтан медаль хүртлээ. Шигшээд түүнтэй тулалдах байсан армийн дэлхийн аварга, ОУХМ Б.Чинзориг гэмтлийн улмаас тэмцээнээ үргэлжлүүлэх боломжгүй болсон юм. Б.Чинзориг хагас шигшээ тулааны үеэр гарын сарвуун ясандаа бэртэл авсан байна. Энэ жинд хүрэл медалийг Хятадын тамирчин Эрланбек, Филиппиний Суарез Чарли нар авлаа. Монголын тамирчдаас 56кг-д Б.Төмөрхуяг мөнгөн медаль, эмэгтэйчүүдийн 48 кг-д О.Жаргалан мөнгөн медаль, 75кг-д Э.Эрдэнэтуяа мөнгөн медаль хүртсэн байна.
О.ДАШНЯМ