Монголын хөлбөмбөгийн холбооноос гурав дахь жилдээ зохион байгуулж буй “Хүрхрээ” дээд лигийн наймдугаар тойргийн тоглолтууд явагдлаа. Хүснэгтийг тэргүүлж буй “Эрчим” клуб энэ тойрогт лигийн “шинэ цэрэг” “GOYO FC” клубтэй ээллжит тоглолтоо хийж 3:1-ээр хожлоо. Тоглолтын эхний гоолыг өнгөрсөн улирлын шилдэг тоглогч Ишино Шута тав дахь минутад оруулсан. Эсрэг багаас залуучуудын шигшээ багийн тоглогч П.Энхбилэг 42 минутад нэгэн гоёмсог гоолыг аваргаа хамгаалагчдын хаалгыг мялаасан. Хоёрдугаар үед багууд харилцан довтолгоотой сонирхолтой тоглолтыг өрнүүлсэн үндсэн цагт тооны харьцаа өөрчлөгдөөгүй. Харин шүүгчийн сунгасан дөрвөн минутад “Эрчим” клубийн хамгаалагч Г.Төгөлдөр болон сэлгээгээр орж ирсэн Г.Батдэлгэрэх нар гоол оруулж багтаа хожил авчирсан юм.
Энэ тойргот явагдсан бусад тоглолтуудын үр дүн Хоромхон 0:0 Атлетик 220 Сэлэнгэ Пресс 1:3 Дэрэн Унаганууд 1:4 Улаанбаатар сити ФС Улаанбаатар 2:4 Хангарьд Лигийг “Эрчим” 22 оноотой тэргүүлж байгаа бол “Улаанбаатар сити” 18, “Хангарьд” 16 оноотой “Атлетик 220” 14 оноотойгоор удаалж байна.
Мэргэн буучдын жагсаалтыг “Улаанбаатар сити” клубийн довтлогч Түмэнжаргал 7 гоолтойгоор хошуучилж байгаа юм.
.JPG)
