Үндэсний сагсан бөмбөгийн холбооны өнгөрсөн улирлын шилдгүүдийг шалгаруулах “NBA Awards” арга хэмжээ боллоо. Энэ хүү арга хэмжээг NBA анх удаагаа зохион байгуулж буй нь энэ юм. Өнгөрсөн улирлын “Үнэ цэнтэй тоглогч”-ийн төлөө Рассел Уэстбрүүк, Кайвай Лионард, Жеймс Харден нар өрсөлдөж “Оклохама сити Тандер” лидер Рассел Уэстбрүүк ялалт байгуулсан байна. Уэстбрүүк өнгөрсөн улиралд 31.6 оноо, 10.7 самбар, 10.4 оновчтой дамжуулалт хийж “трипл дабл” дунджилсан анхны тоглогч болсон билээ. Харамсалтай нь плэй оффд зургаагаар шалгарсан Уэстбрүүкийн “Оклохама сити тандр” баг нэгдүгээр шатанд “Хьюстэн Рокетст” хожигдож улирлаа өндөрлүүлсэн.
Мөн өнгөрсөн улирлын шилдэг хамгаалан тоглогч аварга баг “Голден Стэт Уариорс”-оос тодорч Дремонд Грийн шагналыг гардсан бол амжилт ахисан тоглогчийн шагналыг “Милауки Бакс” багийн лидер Яаннис Антетекумпо хүртсэн байна. Шилдэг зургаа дахь тоглогчийн шагнал энэ удаа “Хьюстен Рокетс” багийн “мэргэн бууч” Эрик Гордонд очсон. Тэрээр өнгөрсөн улиралд аркны араас 37.2 хувьтай довтолсон.
.JPG)
Шилдэг дасгалжуулагчийн шагналыг мөн л “Хьюстэн Рокетс” багийн менежер Майк Д Антони хүртсэн. Түүний баг улирлд 55 хожил байгуулж плэй оффд гуравдугаар байраар шалгарсан. Шилдэг шинэ тоглогчийн шагналыг “Милауки Бакс” багт анхны жилдээ амжилттай тоглож багаа плэй оффд шалгарахад үнэтэй хувь нэмэр оруулсан Малкалум Брогдан хүртсэн.
.JPG)
