БНСУ-ын Мужу хотод тэеквондогийн насанд хүрэгчдийн дэлхийн аварга шалгаруулах тэмцээн үргэлжилж байна. Өчигдөр Монгол улсын хоёр тамирчин тулаанаа хийсэн юм. Эрэгтэйчүүдийн -58 кг-д өрсөлдсөн М.Түмэнбаяр эхний даваанд Украйны тамирчин Фойднок Игорртой ширүүн тулаан хийж 21:19 ялаад удаах тойрогт Сербийн Гладович Милошийг 18:9-өөр хожсон юм.
Шилдэг наймд үлдэх хариуцлагатай тулаанаа Доминиканы таеквондоч Пие Луйстай хийж 11:10 ялсан байна.
Мөн Монголын шилдэг тамирчин ОУХМ П.Тэмүүжин өчигдөр тулаанаа хийж эхний даваанд Ирландын тамирчин Грассик Конорыг 23:13 ялсан ч хоёрдугаар тойрогт Йорданы тулаанч Абугауш Ахмадтай хийж 39:8 хожигдож тэмцээнээ өндөрлүүллээ.