Туркийн “Фенербахче” клубийн хамгаалагч Богдан Богданнович “NBA” ын “Сакраменто Кингс” багтай нэгдлээ. Энэ жил 25 настай Серби залуутай “Сакраменто Кингс” 3 жилийн 36 сая долларын гэрээг үзэглэсэн байна. Богданович 2014 онд “Финикс санс” багт нэгдүгээр тойргийн 27 дахь сонголтоор драфтлагдаж байсан ч NBA-д албан ёсны тоглолтод оролцож амжаагүй юм.
Тэрээр 2016 болон 2017 онуудад Туркийн лигид түрүүлж финалын үнэ цэнтэй тоглогчоор шалгарчээ. Мөн 2016 оны Риогийн олимпийн наадамд Сербийн шигшээ багийн хамт оролцож мөнгөн медаль хүртсэн юм.