Оросын холбооны улсад үргэлжилж буй “Тив хоорондын цом”-ын тэмцээний хагас шигшээ сүүлийн тоглолт өнгөрсөн шөнө явагдлаа. 2014 оны Дэлхийн аварга Германы шигшээ баг энэ шатанд Мексикийн багтай тоглож 3:1-ээр хожил байгуулж шигшээд шалгарлаа.
Тоглолтын нэгдүгээр үеийн 6 дахь минутанд Германы багийн Горецка эхний гоолыг оруулсан бол үүнээс хоёр минутын дараа дахин гоолдож багийнхаа тэргүүллийг баталгаажуулсан. Хоёрдугаар үеийн эхэнд Мексикийн баг довтолгоо өрнүүлж байсан ч гоол оруулж чадаагүй.
Харин 59 дэх минутанд Германаас Уэрнэр гоолдож багийнхаа ялалтыг баталгаажуулсан. Тоглолтын төгсгөл 89 дэх минутанд Мексикээс Фабиан гоёмсог гоолоор багтаа нэр төр авчирсан бол нэмэлт цагт Ионес гоол оруулж тоглолтын цэгийг тавьсан. Ийнхүү Герман “машин”-ууд “Тив хоорондын цом”ын аваргын төлөө Чилийн багтай тулахаар боллоо.