Олон улсын жудо бөхийн хобооноос зохион байгуулдаг дэлхийн чансааны оноо олгох “Гран-при” тэмцээн өнгөрсөн амралтын өдрүүдэд Хөххотод зохигдлоо. Энэ удаагийн тэмцээнд 26 орны 229 тамирчин өрсөлдөж жудо бөхийн эх орон Японы тамирчид 5 алт гурван хүрэл медаль хүртэж тэргүүлсэн бол Оросын холбооны улсын тамирчид 2 алт, 3 мөнгөн медальтайгаар удаалсан байна . Харин Монгол улсаас 25 тамирчин өрсөлдөж МУГТ Д.Амартүвшин, МУГТ Д.Сумьяа, ОУХМ Ө.Дүүрэнбаяр нар мөнгөн медаль хүртсэн байна. МУГТ Г.Болдбаатар, ОУХМ Ё.Басхүү, Г.Алтанбагана, МУГТ М.Уранцэцэг, ОУХМ Б.Мөнхтуяа нар хүрэл медалийн болзол хангасан юм.
О.Дашням