“Монголын Хөлбөмбөгийн Холбоо”-оос “Арвайн үндэс” компанитай хамтран зохион байгуулж буй “Хүрхрээ үндэсний лиг”-ийн есдүгээр тойргийн тоглолтууд өнгөрсөн амралтын өдөр явагдлаа. Энэ тойрогт лигийн дэд байрт бичигдэж байсан “Улаанбаатар сити” клуб гуравдугаарт эрэмбэлэгдэж буй Эрдэнэтийн “Хангарьд” багтай тоглолсон юм. Тоглотын эхний хагаст багууд нягт хамгаалсан тоглолт үзүүлж тэнцээгээр өндөрлөсөн. Харин хоёрдугаар үеийн 55 дах минутанд “Улаанбаатар сити”-ийн хагас хамгаалагч Ж.Сүндорж чөлөөт цохилтоос гоол оруулсан. Үүний дараа гоол алдсан “Хангарьд”-ынхан удаа дараалсан аюултай довтолгоо өрнүүлж энэ нь 77 дох минутанд үр дүнгээ өгч Паул Эбука тооны харьцааг тэцүүлсэн. Улмаар тоглолтын төгсгөл 87 минутанд С.Ганхуяг гоолдож багтаа 3 оноо авчирсан. Лигийг 9 тойргийн дараах байдлаар “Эрчим” клуб 25 оноотой тэргүүлж байгаа бол Эрдэнэтийн “Хангарьд” 19 оноотой, “Улаанбаатар сити” 18 оноотойгоор удаалж байна. Харин мэргэн буучдын жагсаалтыг үндэсний шигшээ баг болон “Атлетик 220” клубийн довтлогч Н.Наранболд 9 гоолтой тэргүүлж байгаа бол “Улаанбаатар сити”-н Түмэнжаргал,” Улаанбаатар ФС” –ын япон легонер Мотохиро нар 7 гоолтойгоор дэд байрт бичигдэж байна.
О.ДАШНЯМ