Хүрэл медалийг өнгөрсөн жилийн “Эмэгтэйчүүдийн лиг”-ийн аварга “Арвис”, “Дэрэн”-г торгуулийн цохилтоос хожиж авсан. Харин аваргын цомыг “Эмэгтэйчүүдийн лиг”-ийн анхны аварга “ХАД” клуб өрсөлдөгч Хан-Ууд дүүргийг 0:4-оор хожиж, өргөлөө. С.Буд дасгалжуулагчтай “ХАД” клубийн эмэгтэйчүүдийн УАШТ-нд гурван жил дараалан аваргалж, өөрсдийн төдийгүй Монголын эмэгтэйчүүдийн хөл бөмбөгийн түүхэнд нэгэн шинэ түүх бүтээв.
Тэмцээний медалийн эзэд төдийгүй шилдгүүдийг тодруулахаас өмнө Өвөрхангай аймгийн “Титэм хужирт” багийн А.Амгаландулам, У.Болормаа, Г.Лхагвадулам нар спортын дэд мастер цол тэмдгээр энгэрээ цоолуулсан. Тэгвэл “Эмэгтэйчүүдийн УАШТ”-ий шилдэг хаалгачаар А.Цэрэндолгор /Арвис/, хамгаалагчаар Э.Энхтунгалаг /ХАД/, хагас хамгаалагчаар Б.Сарангарав /Хан-Уул/, довтлогчоор Н.Мөнхтуяа /Хад/ тодорлоо.
.JPG)
