Баяр наадамтай давхцах тул Б.Серик , М.Мустафа, М.Эркелбулан, У.Бреке нарын арслангууд Улаанбаатарт зодоглох болов уу. Эдний эзгүйд цолоо ахиулахаар аймгийн нэмэх начин Б.Бейбит, аймгийн начин С.Бат-Үүл, уран барилдаант С.Шалхар нар хоорондоо өрсөлдөнө.
Мөн хэдэн жилийн өмнө сумын заануудын барилдаанд сайн барилдаж байсан аймгийн харцага Б.Төмөрбаатарыг тооцооноос хасч болохгүй. Үүнээс гадна Сэлэнгийн Жанболот Өлгийдөө барилдвал цол хүртэх магадлал тун өндөр. Хонгор нутгийн зон олон наадмаа энэ сарын 21-22-ы өдрүүдэд тэмдэглэхээр болсон байна. Ламын гэгээний нутгаас аймгийн арслан цолд хүрч улмаар улсын цолны төлөө хүчтэй дайралт хийх боломжтой олон залуус бий. Хүрээмаралын нэмэх начин Г.Жамбалдорж цолоо ахиулвал эзэн болоод барилдах бүрэн боломжтой. Аймгийн заан М.Батцэнгэл, аймгийн харцага Б.Энхбаатар, Дэлгэрсайхан гээд заанууд цолоо ахиулахын төлөө өрсөлдөнө. Мөн улсын начин Норовын удмын бөх аймгийн харцага Д.Бямбасүрэн, аймгийн хурц арслан Төмөрийн хүү аймгийн харцага Дүүрэнсаран нар тэдэнтэй ширүүн өрсөлдөөн үзүүлнэ.