Английн “Арсенал” клуб Францын шигшээ баг болон “Лион” клубийн довтлогч Александр Лаказетыг багтаа элсүүллээ. Энэ жил 26 настай довтлогчтой Лондоны баг таван жилийн гэрээг үзэглэсэн байна. Энэ нь Арсеналын түүхэндэх хамгийн үнэтэй наймаагаар тодорч байгаа бөгөөд тэд 2013 онд Месүт Өзилийг” Реал Мадрид”-аас 42.4 сая фунт стерлингээр авч байсан юм. Лаказет “Арсенал бол гайхалтай хөлбөмбөгийг үзүүлдэг баг. Би энд тоглохыг их хүсч байсан шүү.Хүүхэд байхдаа Арсеналын тоглолтыг алгасалгүй үздэг байлаа. Учир нь нутаг нэгт довтлогч Терри Анри энд тоглодог байсан юм. Арсеналын өмсгөлтэй талбайд гарах мөрөөдөл маань өнөөдөр биелэлээ олж байна” гэж ярьсан байна. “Арсенал” клуб энэ долоо хоногийн амралтын өдрүүдэд Сиднейд нөхөрсөг тоглолт хийх бөгөөд багийн бүрэлдэхүүнд Лаказет багтсан юм. Лаказет Лион клубийн бүрэлдэхүүнд 275 тоглолтод оролцож 129 гоол оруулж 11 цом хүртсэн байна.
.JPG)
