Месси, Роналдо хоёрын хэн нь илүү вэ? гэж сэтгүүлчид байнга харьцуулдаг. Түүнд Роналдо таатай ханддаггүй гэдгээ нэг бус удаа илэрхийлсэн. Роналдо улирч буй улиралд олигтой тоглолт үзүүлээгүй. Мөн татварын асуудлаас болоод Реал Мадрид багтаа, түүний удирдлагадаа гомдсон. Бүр Испанийг орхино гэдгээ ч нуухгүй дээрээ тулсан. Тэгвэл түүнийг Реал Мадрид авч үлдэхийн тулд ямар нэг санал санаачилга өдийг хүртэл гаргаагүй байна. Тэгвэл Барселона багийн гол зохион байгуулагч, шилдэг довтлогч Мессиг өөрийн багтаа урвуулах хүсэлтэй олон баг, дасгалжуулагчид бий. Түүний араас олон баг ангуучилсан. Премьер Лигт гуравдугаар байрт шалгарсан Манчестер Сити багийн дасгалжуулагч Пеп Гвардолла бол тэдний нэг. Манчестер Сити багтаа Мессиг авна гэдэг Пеп Гвардоллагийн хүсэлд Барселона баг нэгмөсөн цэг тавьсан шийдвэр гаргалаа. Барса 2021 оныг дуустал Месситэй гэрээ байгуулснаа зарлав. Мессид 7 хоног тутамд 1 сая фунтсерлинг олгохоор гэрээнд заасан байна. Сардаа 4 сая фунт буюу монгол төгрөгөөр 14 тэрбум төгрөгийн орлоготой анхны хөлбөмбөгчин боллоо. Тэрбээр сардаа 365 мянган ам.долларын шагналтай Кристиано Роналдог ардаа хол орхилоо. Месси дэлхийн хамгийн өндөр орлоготой хөлбөмбөгчнөөр түүхэнд ийнхүү бичигдлээ.
.JPG)
