Испаний шигшээ баг болон “Реал мадрид” клубийн довтлогч Алваро Мората Лондоны Челси клубтай нэгдлээ. Лондоны баг Моратагийн төлөө 70 сая фаундыг төлсөн бөгөөд таван жилийн гэрээг үзэглэсэн байна. Тэрээр нутаг нэгт довтлогч Диаго Костаг орлохоор “Стэнфорд Бриж”-д газардаж байгаа юм. Алваро Мората өнгөрсөн улиралд “Эзэн хааны баг”-ийн төлөө 20 гоол оруулж аваргуудын лиг болон, Испаний аварга шалгаруулах тэмцээний цомыг хүртсэн юм. Челсигийн хувьд энэ энэ улиралд хийж буй гурав дах наймаа нь энэ бөгөөд тэд өмнө нь Уили Кабелеро, Антонио Родигер, Тимоте Бакаяако нарыг багтаа элсүүлээд байсан.