Грек улсын алдарт тамирчин олимпийн аварга Илиас Илиадис энэ сарын 30-нд Монголд айлчилахаар боллоо. Тэрээр Олон улсын жудо бөхийн холбооны шугамаар ирж байгаа бөгөөд жудогийн ирээдүй болсон хүүхэд багачуудын бэлтгэлийн явцтай танилцах юм. Мөн Монголын насанд хүрэгчдийн шигшээ баг болон залуучуудын багийнханд туршлагаасаа хуваалцна. Илиадис анх 2004 онд 19 настайдаа олимпийн наадамд түрүүлж, 2011, 2014 онуудад насанд хүрэгчдийн дэлхийн аварга шалгаруулах тэмцээнд түрүүлж байсан юм.