Ирэх сард Унгарын Будапешт хотноо зохиогдох жүдо бөхийн насанд хүрэгчдийн ДАШТ-д оролцох Монгол Улсын жүдо бөхийн шигшээ багийн бүрэлдэхүүнийг зарлалаа.Эрэгтэйчүүдийн 22, эмэгтэйчүүдийн 18, холимог багийн анхдугаар ДАШТ-д манай улсаас нийт 19 тамирчин хүч үзэхээр мэдүүлгээ илгээгээд байна.
Будапештыг зорих Монгол Улсын шигшээ багт
Эрэгтэй
60 кг: Ганбатын Болдбаатар
60кг Дашдаваагийн Амартүвшин
66 кг: Ганболдын Хэрлэн
73 кг: Ганбаатарын Одбаяр
81 кг: Отгонбаатарын Ууганбаатар
90 кг: Гантулгын Алтанбагана
-100 кг: Лхагвасүрэнгийн Отгонбаатар
+100 кг: Найдангийн Түвшинбаяр
+100 кг:Өлзийбаярын Дүүрэнбаяр
Эмэгтэй
48 кг: Мөнхбатын Уранцэцэг
52 кг: Чинтогтохын Аззаяа
52кг: Бишрэлтийн Хорлоодой
57 кг: Доржсүрэнгийн Сумъяа
57кг: Лхагватогоогийн Энхрийлэн
63 кг: Болдын Ганхайч
63кг Балдоржийн Мөнгөнчимэг
70 кг: Батбаатарын Хулан
+78 кг: Баттулгын Мөнхтуяа нар багтсан байна.
Холимог багийн төрөлд ОУХМ Цэнд-Аюушийн Наранжаргал -70 кг-д хүч үзнэ. Холимог багийн төрөл нь “Токио-2020” олимпийн наадмын хөтөлбөрт багтснаар энэ жилээс багийн ДАШТ энэ системээр явагдахаар боллоо.
Холимог багийн төрөл нь эмэгтэй 57кг, -70кг, +70кг, эрэгтэй 73кг, 90кг, +90 кг-д зохион байгуулагдана. Тус тэмцээнд зодоглох Монгол Улсын шигшээ багийг ардын багш, гавьяат тамирчин Одвогийн Балжинням удирдаж туслах дасгалжуулагчаар гавьяат тамирчин Дашгомбын Баттулга, Хишигбатын Эрдэнэт-Од, ОУХМ Гантөмөрийн Дашдаваа нар ажиллана. Харин шүүгчээр олон улсын шүүгч Төрбатын Энхцэцэг анх удаагаа сонгогдсон байна.