“Хүрхрээ” нэрээр гурав дахь жилдээ зохион байгуулагдаж буй үндэсний лигийн 10-р тойргийн эхний тоглолт өнөөдөр МХБХ-ны цэнгэлдэх хүрээлэнд явагдлаа.
“Хүрхрээ үндэсний лиг”-ийн нэгдүгээр тойрогт “Гоёо Эф Си”-ыг 3:2-оор хожсон “Хоромхон” өнөөдрийн тоглолтыг 24 дэх минутад шинэ довтлогч Нишио Тацуяагийн оруулсан гоолоор тэргүүлж эхэлсэн. Өнгөрсөн жилийн хүрэл медальт “Хоромхон” эхний хагаст 0:1-ээр давамгайлсан ч үндэсний лигт анх удаагаа хүч үзэж буй “Гоёо Эф Си” шийдвэрлэх үед үр дүнг өөрсдийн талд эргүүлэв.
Залуучуудын шигшээ багийн хамтаар АШТ-ний урьдчилсан шатны тэмцээнд хүч үзээд ирсэн “Гоёо Эф Си”-ийн довтлогч П.Энхбилэг хоёрдугаар үеийн 63 дахь минутад чөлөөт цохилтоос тооны харьцааг тэнцүүлсэн. Тоглогч ахуйдаа хүчтэй цохилтоороо алдартай байсан Г.Даваа-Очирын залуус хожлын гоолыг мөн л чөлөөт цохилтоос оруулах хувьтай байв. Тодруулбал Япон легионер Сасэ Тацуяа 81 дэх минутад өөрийн нэр дээр улирлын анхны гоолоо бичүүлж, баг нь гурван оноо авлаа.
Эх сурвалж : МОНГОЛЫН ХӨЛБӨМБӨГИЙН ХОЛБОО