Шатрын дэлхийн цомын аварга шалгаруулах тэмцээн ирэх есдүгээр сарын 2-28-ны өдрүүдэд Гүрж Улсын Тбилис хотноо болно. Энэхүү тэмцээнд тив, бүсийн аварга шалгаруулах тэмцээнүүдэд чансааны үзүүлэлтээр тэргүүлсэн шилдэг 128 шатарчин оролцдог юм.
Манай улсаас их мастер Ц.Батчулуун эрэгтэй тамирчдаас анх удаагаа оролцох юм. Тэрбээр тус тэмцээний эрхийг өнгөрөгч тавдугаар сард БНХАУ-ын Чэнду хотод болсон насанд хүрэгчдийн Ази тивийн аварга шалгаруулах тэмцээнд тавдугаар байр эзлэж авсан юм.
Өмнө нь дэлхийн цомын тэмцээнд эмэгтэй тамирчдаас их мастер Б.Мөнгөнтуул анх удаагаа өрсөлдөж байжээ. Ийнхүү манай улсын их мастер Ц.Батчулуун дэлхийн шилдгүүд болох Магнус Карлсен, Сергей Кряакин нартай өрсөлдөхөөр боллоо.