Засгийн газрын тогтоолтоор хийгддэг бүсийн даншиг наадмууд өнгөрсөн амралтын өдрүүдэд явагдлаа.
Баруун бүсийн даншиг наадам Увс аймгийн Өндөрхангай суманд болсон юм. Баяр наадмын хүчит бөхийн барилдаанд улсын аварга С.Мөнхбат, улсын арслан Н.Батсуурь, улсын харцага Ч.Чулуунбаатар, Н.Батзаяа нараар манлайлуусан 128 бөх зодолсноос Увс аймгийн Ховд сумын харьяат улсын арслан Н.Батсуурь түрүүлж, Увс аймгийн Баруунтуруун сумын харьяат улсын аварга С.Мөнхбат үзүүрлэсэн байна.
Төвийн бүсийн даншиг наадам нийслэлийн Багануур дүүрэгт зохиогдсон. Баяр наадмын бөхийн барилдаанд Говь-Алтай аймгийн Эрдэнэ сумын харьяат аймгийн арслан А.Хосбаяр түрүүлж, Ховь аймгийн харьяат аймгийн харцага Анхжаргал үзүүрлэсэн юм.
Зүүн бүсийн даншиг наадам Сүхбаатар аймагт зохиогдож хүчит бөхийн барилдаанд Сүхбаатар аймгийн Мөнххаан сумын харьяат улсын начин Б.Батжаргал түрүүлж Онгон сумын харьяат аймгийн хурц арслан Ш.Мөнгөнбаатар үзүүрлэсэн байна. Их шөвөгт Онгон сумын харьяат аймгийн хурц арслан Ш.Мөнгөнбаатар, Онгон сумын харьяат аймгийн харцага Өсөхбаяр нар шалгарсан.
Говийн бүсийн даншиг Дундговь аймагт зохиогдож хүчит бөхийн барилдаанд улсын начин Э.Даш түрүүлж, Завхан аймгийн харьяат улсын гарди Ш.Жаргалсайхан үзүүрлэсэн юм.