Тэмцээний цомын төлөө Испаний “Атлетико мадрид” болон Английн “Ливерпүүл” багууд учраа таарсан юм. Тоглолтын эхний гоолыг Испаний багаас Кейди Берри 33 дахь минутанд оруулснаар нэгдүгээр үе өндөрлөсөн.
Хоёрдугаар үед Атлетико нягт хамгаалсан тоглолт хийж байсан тул Юрген Клопп довтолгоонд Роберто Фирмино болон Дивок Ориги нарыг оруулж ирсэн. Энэ солилцоо 83 дахь минутанд үр дүнгээ өгч Габи торгуулын талбайд Ориги дээр алдаа гаргасан. Торгуулийн цохилтыг Фирмино гоол болгож тоглолтын үндсэн цаг 1:1-ээр өндөрлөсөн.
11 метрийн торгуулийн цохилтоор ялагчийг тодруулахад Ливерпүүлийн ахлагч Жордан Хендорсоны цохилтыг Мигел Анхел Мояа хааж багтаа цом авчирсан юм. Атлетикогоос шийдвэрлэх цохилтыг Флиппе Луис амжилттай болгосон. Ливерпүүлийн хувьд энэ удаагийн тоглолтод Даниэл Старриж, Коутино, Мане нарын шилдэгүүдийг амраасан юм. Өнгөрсөн сард “Азийн цом”-ын аваргад түрүүлсэн тэд Дублинд “Атлетик Билбао”-той тулаад прьемер лигийн шинэ улирлын эхний тоглолтоо Уатфордтой хийнэ.
.JPG)
