Шатрын спортын шилдэг мастеруудын нэг Ч.Цэцэг-Өлзий агсны нэрэмжит “Таван толгойн цом-2017” тэмцээний Шатрын бодлого бодолтын төрөл явагдаж өндөрлөлөө. Бодлого бодолтын тэмцээнд 45 тамирчин оролцсоноос Чингэлтэй дүүрэг Цэцэн нүүдэл клубийн тамирчин “Фиде мастер” М.Гүнбаяр боломжит 20 онооноос 16 оноо авч түрүүлсэн бол “Монген” сургуулийн тамирчин спортын мастер Б.Галмандах 15.5 оноогоор дэд байр эзэлсэн бол хүрэл медалийг Дорноговь аймгийн тамирчин спортын мастер Б.Ариунбүүвэй 15 оноотойгоор хүртсэн байна.
Тэмцээний шагналт байруудад Сүхбаатар аймаг, “ТЭЦ-3” компанийн тамирчин Э.Энхнар, Увс аймаг “Хан-Алтай” клубийн тамирчин 2017 оны насанд хүрэгчдийн улсын аварга Ү.Үүрийнтуяа нар шалгарсан юм. Өнөөдөр тэмцээний түргэн тоглолт буюу блиц ангиллын тэмцээн явагдаж байна.
О.ДАШНЯМ