Өмнөговь аймагт зохиогдож буй Ч.Цэцэг-Өлзий агсны нэрэмжит “Таван толгойн цом-2017” шатрын тэмцээний түргэн тоглолт буюу блиц ангиллын тэмцээн явагдаж дүнгээ гаргалаа.
Тэмцээнд их мастер Б.Хатанбаатар, Ц.Батчулуун, эмэгтэй их мастер А.Энхтуул нараар ахлуулсан 89 шатарчид оюун ухаанаа сорьжээ. Тэмцээн 11 өрөг явагдаж дүнгээ гаргахад “Зууны шатар” клубийн тамирчин их мастер Цэгмэдийн Батчулуун есөн оноогоор тэргүүлсэн бол “Хан-Алтай” клубийн тамирчин спортын мастер Эрдэнэпүрэвийн Болдоо мөн есөн оноогоор мөнгөн медаль хүртсэн байна.
Гуравдугаар байрт Баянгол дүүрийн тамирчин их мастер Базарын Хатанбаатар 8,5 оноогоор орсон юм. Харин эмэгтэй олон улсын их мастер Алтан-Өлзийн Энхтуул 8,5 оноотойгоор удаалжээ. Монгол шилдэг шатарчид болох “Шунхлай” группийн тамирчин их мастер Баярсайханы Гүндаваа 7,5 оноогоор есдүгээр байрт, Өвөрхөнгай аймгийн тамирчин их мастер Гомбосүрэнгийн Мөнхгал 6,5 оноогоор 21 дүгээр байр тус тус эзэлсэн байна.